Kampionët në fuqi të Milëaukee Bucks në NBA u rikthyen te fitorja, duke mundur 114-99 Indiana Pacers, ndeshje ku u dallua Holiday, autor i 26 pikëve. Në këtë sfidë nuk luajti Antetokounmpo e megjithatë mungesa e tij nuk u ndie.
Mirë u paraqitën për Bucks edhe Portis e Cannaughton me nga 20 pikë secili. Me këtë sukses Bucks ngjiten në vendin e dytë në Konferencën e Lindjes pas Brooklyn Nets.
Në Perëndim, pas kohës shtesë fitoi skuadra e Los Angeles Lakers, që mundi 107-104 Dallas Mavericks. LeBron James realizoi 24 pikë, mbështetur nga Westbrook me 23 pikë e 10 rebound, si dhe Davis me 20 pikë e 12 rebound. Lakers mbeten në vendin e gjashtë, me pikë të barabarta me skuadrën tjetër kaliforniane të Los Angeles Clippers të vendit të pestë.
Në këtë konferencë po vijon me ritmin e fitoreve Utah Jazz, që falë 27 pikëve të Mitchell mundi 124-103 rivalët e Clippers. Vetë shifrat flasin për një dominim total të Jazz, që fituan ta katërta periodat bindshëm. Utah renditet në vend të tretë, në ndjekje të Golden State dhe Phoenix Suns.
