Numri i personave të infektuar te Barcelona shkon në 7, pas konfirmimeve të mëhershme të Dembelé, Umtiti dhe Gavi. Së fundi është bërë i ditur edhe pozitiviteti i Lenglet, Dani Alves, Jordi Alba e Balde.
Të gjithë lojtarët janë mirë dhe tashmë ndodhen në karantinë. Klubi ka njoftuar autoritetet sipas protokollit. Kujtojmë se për shkak të pezullimit dhe lëndimeve do të mungojnë në ndeshjen e së dielës kundër Mallorca edhe Busquets, Braithwaite, Ansu, Pedri, Roberto, Dest dhe Memphis Depay.
Pra, thuajse krej skuadra e parë nuk do të jetë në dispozicion të trajnerit Xavi, i cili duhet të “rishpikë” një formacion. Edhe Real Madrid konfirmoi katër raste të reja: Courtois, Valverde, Camavigna dhe Vinicius. Situata në La Liga është përkeqësuar shumë.