Një nga problematikat më të mëdha të Real Madrid në dy vitet e fundit ka qenë Gareth Bale, i cili nuk po arrin të gjejë hapësira në rikthimin e tij. Sulmuesi uellsian nuk shihet si titullar edhe nga Carlo Ancelotti.
Këtë sezon është aktivizuar vetëm 3 ndeshje duke e bërë largimin e tij thuajse të sigurt. Bale prej kohësh ka humbur shkëlqimin e tij dhe shihet si një “barrë” e madhe nga drejtuesit e Real Madrid të cilët janë të detyruar të paguajnë miliona që Bale të ngroh stolin.
Në këtë kushte kushte është e qartë që Bale nuk do të rinovojë kontratën e tij që i skadon në fund të sezonit, as drejtuesit e Real Madrid nuk kanë ndërmend t’ia ofrojnë diçka të tillë. Sipas mediave angleze, Bale mund të rikthehet te Southampton, skuadër ku nisi karrierën e tij në Angli përpara se të transferohej te Tottenham.
Kaq ka mjaftuar që tifozët e Southampton të ëndërrojnë për një dyshe sulmi Broja-Bale. Sulmuesit shqiptar i përfundon huazimi në fund të sezonit, mund të rikthehet te Chelsea, por nuk përjashtohet mundësia që huazimi të shtyhet edhe për një tjetër vit.