16.01.2022 - 21:01
Pas një barazimi dhe dy humbjeve, Romas është rikthyer te fitorja, duke mundur në shtëpi 1-0 ekipin e Cagliarit. Tri pikë me shumë vlerë që ngjit verdhekuqtë në vendin e gjashtë, por ende larg zonës Champions.
Ka mjaftuar një gol me penallti i dhënë nga sistemi VAR, ku nga pika e bardhë në minutën e 33-të shënoi Oliveira. Në fund miqtë patën një shans të artë për barazim, teksa goditën edhe traversën.
Pak frymëmarrje edhe për trajnerin Jose Mourinho, i cili ende nuk është vënë në presion nga drejtuesit. Marash Kumbulla luajti sot titullar për 90 minuta, duke treguar paraqitje të mirë.