Surpriza në ditën e tretë të grand slam të Australian Open, teksa janë luajtur sfidat e radhës së raundit të dytë për meshkuj dhe femrat. Te meshkujt, numri 4 në botë, greku Stefanos Tsitsipas, fitoi 3-1 ndaj argjentinasit Sebastian Bez (7-6, 6-7, 6-3, 6-4).
Më tej avancon edhe tenisti rus Andrey Rublev (numri 5 në botë), që eliminoi bjellorusin Ricardas Berankis. Në ndeshjet e tjera, spikatin fitoret e amerikanit Taylor Fritz, australianit Alex De Minaur, britanikut Danil Evans, spanjollëve Roberto Bautista Agut e Pablo Andujar si dhe kroatit Marin Cilic.
Serving up a big win 👌
🇬🇷@steftsitsipas holds off a determined Sebastian Baez to advance 7-6(1) 6-7(5) 6-3 6-4.#AusOpen • #AO2022
🎥: @wwos • @espn • @eurosport • @wowowtennis pic.twitter.com/cLB9s8MdxJ— #AusOpen (@AustralianOpen) January 20, 2022
FEMRA – Ish-numri 1 në botë, tenistja spanjolle Garbine Muguruza, u mund 2-0 (6-3, 6-3) nga rivalja franceze Alise Cornet. Vuan disi, por në fund ia del mbanë të avancojë në raundin e tretë numri 2 në botë, tenistja bjelloruse Aryna Sabalenka.
Ajo fitoi 2-1 (1-6, 6-4, 6-2) ndaj kinezes Xinyu Wang. Surprizë edhe eliminimi i numrit 6 në botë, estonezes Anett Kontaveit, e cila u mund 2-0 (6-2, 6-4) nga danezja Clara Tauson.
Në raundin e tretë avancojnë polakja Iga Swiatek (numri 7 në botë), rusja Anastasia Pavluychenkova (numri 10 në botë), rumunia Sorana Cirstea e rusja Daria Kasatkina.
Sabalenka survives 💪
No.2 seed @SabalenkaA digs deep for a 1-6 6-4 6-2 comeback win over Xinyu Wang.#AusOpen · #AO2022
🎥: @wwos · @espn · @eurosport · @wowowtennis pic.twitter.com/xo6uklNhNq— #AusOpen (@AustralianOpen) January 20, 2022