“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A duhet të konsumojnë karbohidrate diabetikët?
Mjeku: Njerëzit me diabet e dinë se kufizimi i karbohidrateve është i rëndësishëm. Kjo për shkak se sheqernat (karbohidratet) kanë një ndikim të madh në sheqerin në gjak. Por a ka rëndësi se çfarë karbohidratesh po kufizoni? Absolutisht. Jo të gjitha karbohidratet janë të barabarta.
Ndërsa dëshironi të kini kujdes në marrjen totale të karbohidrateve, është e rëndësishme të mbani mend se disa karbohidrate janë më të mira për shëndetin tuaj të përgjithshëm.
Karbohidratet mund të jenë një nga keto tre gjërat: sheqerna, brumra ose fibra. Sheqeri mund të gjendet natyrshëm, për shembull në qumësht dhe fruta, por është sheqeri i shtuar që vërtet duhet të shmangni. Sheqeri i shtuar është ajo që do të gjeni në një biskotë për shembull, por shpesh ky sheqer I shtuar futet në ushqime të përpunuara për t’i ruajtur dhe për t’i bërë ato të shijojnë më mirë. Pra, është e mençur të shmangni ushqimet e përpunuara.
Përpiquni të merrni pjesën më të madhe të karbohidrateve nga fibrat dhe te ushqeheni me karbohidratet e shëndetshme që gjenden në ushqimet me fibra të larta si produktet me drithëra të plota dhe perimet.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Kam diabet! Si të mbaj sheqerin nën kontroll”
‘2 javë pasi mori ilaçin e diabetit,gruaja shtohet në spital’
