Armando Broja do të përfundojë sezonin aktual me Southampton, por e ardhmja mbetet pezull, pavarësisht se Chelsea (klubi që e ka në pronësi) deklaon se nuk do të shitet në verë.
Shumë klube nga Premier League po kërkojnë shërbimet e sulmuesit shqiptar. Frank Lampard ka marrë drejtimin e Everton së fundmi, pas shkarkimit të Rafa Benitez. Tekniku anglez kërkon të përforcojë sulmin në verë.
Nga Anglia raportohet se Lampard kërkon të bëjë tijin sulmuesin Armando Broja, autor i 5 golave me Southampton këtë sezon. “Shenjtorët” duan ta blejnë vetë sulmuesin e Shqipërisë, që e kanë marrë në huazim nga Chelsea.
Lampard e njeh Brojën, pasi e ka pasur nën urdhra te londinezët dhe i ka dhënë edhe mundësinë të debutojë me Chelsea. Tani e do me ngulm tek Everton.
VAZHDO TË LEXOSH MË TEPËR PËR TEMËN
