NBA është rikthyer pas një jave pushim për shkak të “All Star Game”. Golden State fitoi thellë 132-95 ndaj Portland, ndeshje e dominuar nga ekipi i Warriors. Tetë lojtarë të Golden State realizuan mbi 10 pikë (Curry e Thompson nga 18 pikë secili).
Pa probleme fiton edhe Denver, që mposhti 128-110 Sacramento, sfidë ku diferencën e bëri Jokic me 25 pikë e 12 rebound. Zhgënjen sërish skuadra e Brooklyn, që u mund 129-106 nga Boston. 7 lojtarë të Celtics realizuan mbi 10 pikë, ndërkohë që më i miri në fushë ishte Tatum me 30 pikë.
Humbet edhe Memphis, që u mund 119-114 nga Minnesota, ndeshje me rivalitet deri në momentin e fundit. Russell me 37 pikë bëri diferencën në parket. Në krye të renditjes në Perëndim qëndron skuadra e Phoenix, që fitoi 124-104 Oklahoma.
Booker me 25 pikë si dhe Bridges e Johnson me nga 21 pikë, ishin më të mirët për Suns. Në Lindje, në vendin e parë ndodhet Chicago, që fitoi 112-108 ndaj Atlanta, ndeshje ku shkëlqeu DeRozan me 37 pikë.