Liverpool nuk humb prej 11 ndeshjeve, me 9 fitore dhe 2 barazime, me 8 fitore radhazi në të gjitha kompeticionet. E fundit erdhi sonte për llogari të Premier League (ndeshje e prapambetur) në shtëpi, duke mposhtur 6-0 Leeds United dhe tani është vetëm 3 pikë larg Cityt kryesues.
Ndeshja u zhbllokua në 15’ nga Salah, që realizoi saktë nga pika e bardhë e penalltisë. Në 30’ vendasin dyfishojnë me Matip, ndërsa 5 minuta më pas Salah shënon edhe golin e dytë personal dhe të tretin për ekipin. 19 gola në total për Salah, duke kryesuar në Premier League. Këtu thuajse ndeshja mbyllet.
Në pjesën e dytë, do të kishte vend edhe për tre gola të tjerë, ku nuk mund të mungonte Mane, teksa shënon në 80’ dhe 91’. Van Dijk në 93’ mbyll ndeshjen në 6-0. Në ndeshjet e tjera, Burnley mposht 1-0 Tottenham, ndërsa Watford-Crystal Palace përfundon 1-4.