Kampionët në fuqi të Champions League thuajse kanë siguruar çerekfinalen e këtij sezoni. Chelsea fitoi 2-0 në shtëpi me Lille. Kampionët e Francës duhet të bëjnë mrekullinë në kthim.
Sfida nisi mjaft mirë për “Blutë” e drejtuar nga Thomas Tuchel, të cilët kaluan në avantazh që në minutën e 8’ me Kai Havertz. Dhe pjesa e dytë nisi si e para, por goli erdhi në minutën e 63’ nga ana e amerikanit Christian Pulisic.
Nga ana tjetër Lile tentoi shumë, por Chelsea nuk i la hapësira, duke e marrë sfidën në dorë. Fitorja e pastër pa pësuar bën superfavorit Chelsea për të avancuar më tej.
Në ndeshjen tjetër Villarreal-Juventus, as në ëndrrën më të çmendur nuk mund ta kishte imagjinuar këtë debutim Dusan Vlahovic, që i mjaftuan vetëm 32 sekonda në Ligën e Kampionëve për të tundur rrjetën.
Sulmuesi serb i dhuroi avantazhin e përkohëshëm bardhezinjve, në barazimin 1-1 ndaj Villarreal. Një rezultat ky që duket se më së shumti kënaqi bardhezinjtë e Allegrit, teksa fatet e kualifikimit do të vendosen në Torino në ndeshjen e kthimit.
Golin për spanjollët e realizoi Parello, në minutën e 66-të, pas një aksioni fantastik. Për sa i përket ndeshjes, Villareali u shfaq më përkues në fushë, duke krijuar më shumë raste të rrezikshme shënimi, madje arritën të godisnin dhe shtyllën.