Kryeministri i Shqipërisë, Edi Rama, ka reaguar nëpërmjet rrjeteve sociale për takimin e tij me presidentin e UEFA-s, Alexnder Ceferin. Ky i fundit vizitoi vendin tonë për të diskutuar klimën para zgjedhjeve në FSHF, si dhe finalen e Conference League që do të zhvillohet në Tiranë e ku qeveria shqiptare ka padyshim një përgjegjësi.
“Takimi sot me Presidentin e UEFA-s s’mund të ishte dot më i mirë për qëllimin e përbashkët të zhvillimit në Tiranë të finales së parë europiane në histori, si dhe të realizimit të një procesi të besueshëm për të gjitha palët e përfshira në zgjedhjet e reja të FSHF”- shkruan Rama në Tëitter për këtë takim.
Edhe presidenti i UEFA-s u shpreh më parë i kënaqur për takimin me kryeministrin dhe se kishte marrë garanci të plota nga ky i fundit për zhvillimin e finales në vendin tonë, ashtu si edhe për mospërfshirjen e qeverisë në procesin e zgjedhjeve në FSHF.
Takimi sot me Presidentin e UEFA-s s’mund të ishte dot më i mirë për qëllimin e përbashkët tê zhvillimit në Tiranë të finales së parë europiane në histori, si dhe të realizimit të një procesi të besueshëm për të gjitha palët e përfshira në zgjedhjet e reja të #FSHF⚽️ #FairPlay
— Edi Rama (@ediramaal) February 3, 2022
VAZHDO TË LEXOSH MË TEPËR PËR TEMËN
