Phoenix Suns vijon marshimin në krye të Konferencës së Perëndimit, teksa së fundmi mposhti 127-124 Chicago Bulls, duel mes dy ekipeve pretendente për titull këtë sezon në NBA e që dominojnë në konferencat përkatëse.
Një sfidë e hapur deri në fund, ku Suns fituan falë 38 pikëve të Kevin Booker. Të gjithë titullarët e Phoenix realizuan mbi 10 pikë, ndërkohë që për Bulls u dalluan DeRozan (38 pikë) e LaVine (32 pikë), por që s’mjaftuan.
Nga kjo humbje e Chicagos përfitoi Miami Heat, që mundi 121-100 Washington, duke marrë kreun në Lindje. Ndeshje e dominuar nga miqtë, ku u dallua Adebayo me 21 pikë (7 lojtarë të Miami realizuan mbi 10 pikë).
Fiton edhe skuadra e Golden State, që mposhti pa probleme 110-98 Oklahoma City Thunder. Thompson me 21 pikë e Curry me 18 bënë diferencën në parket për Warriors.
