Ndërkohë që në PD ka një debat të ashpër për dorëheqjen ose jo të kreut demokrat, që pas humbjes së zgjedhjeve në 6 mars, Sali Berisha jep mesazhin për bashkimin e të gjithë demokratëve.
“Mesazhi më i shkëlqyer bashkimi i demokratëve rreth botë së lirë”, u shpreh Berisha nga Elbasani.
I pyetur nga gazetarët nëse Berisha do sakrifikohet për ideal të PD, ai tha: “Nuk po mbroj asgjë tjetër përvec botës së lirë. Ka një përpjekje për të stisur një përballje mes votës së lirë dhe blofit, por atyre që e bëjnë këtë do ti lëmë blofin në dorë.”
Berisha ishte sot në Elbasan ku uroi të gjithë qytetarët për Ditën e Verës, me shpresën siç tha ai që shqiptarët të sjellin ndërrimin e pushtetit.
“Në këtë kontekst uroj që për shqiptarët të sjellë nderimin e madh që ata presin, ndërrimin e narko shtetit dhe rivendosjen e shtetit ligjor”, u shpreh ish-kryeministri.
“Një urim të përzemërt kam për ata shqiptarë që kanë mbushur gjatë këtyre ditëve sheshet për të protestuar kundër një politike cinike të pashpirte, e cila përdor si preteks hijet e luftës në Ukrainë për të justifikuar rritjen dramatike të pajustifikuar të rritjes së çmimeve”, tha me tej Berisha duke iu referuar protestave.
VAZHDO TË LEXOSH MË TEPËR PËR TEMËN
“Berisha do katastrofë”/ Rama: Nga nesër asnjë rezident jashtë nuk futet në Shqipëri!
“Zjarri” i Berishës kundër Kimit, por jo vetëm!
‘Do rrëzojmë Ramën’/ Berisha-Bashës: Përpiqu më shumë
