Këtë fundjavë do të zhvillohet gara e parë sezonale në Formula 1. Piloti gjerman Sebastian Vettel, 4 herë kampion bote në Formula 1, ka rezultuar sot pozitiv me Covid-19.
Për pasojë, ai nuk do të marrë pjesë këtë fundjavë në garën e Çmimit të Madh të Bahrein, gara e parë sezonale. Lajmin e konfirmoi skuadra e Aston Martin, për të cilën piloton Vettel, që ka nisur menjëherë karantinën, duke zbatuar protokollin.
Vendin e tij do ta zërë një tjetër pilot gjerman, Nico Hulkenberg. Vettel është piloti i dytë i Formula 1 që del pozitiv brenda pak ditësh, pas australianit Daniel Ricciardo (McLaren). Ai tashmë e ka kaluar pozitivitetin dhe do të garojë këtë të diel në pistën e Bahrein.
UPDATE: Sebastian Vettel has tested positive for COVID-19 and will therefore not be taking part in the 2022 #BahrainGP.
Replacing him in the AMR22 will be Reserve Driver @HulkHulkenberg, who will be in the car from FP1 onwards. #F1 pic.twitter.com/36wnI8LUAC
— Aston Martin Aramco Cognizant F1 Team (@AstonMartinF1) March 17, 2022
