Pavarësisht humbjes, e teta në tetë ndeshje, ndaj Spanjës, Shqipëria dhuroi një paraqitje pozitive. Sfida me “furitë e kuqe” është një kapitull i mbyllur pasi kuqezinjtë e Edy Reja janë përballë një tjetër testi delikat, kjo për vetë faktin se sot nga Gjeorgjisë kurrsesi nuk mjafton vetëm një paraqitje pozitive, por kërkohet fitorja.
Në letër kjo është një miqësore mëse e kalueshme, duke parë potencialin e Shqipërisë dhe emrat e Gjeorgjisë, por e kaluara ka treguar se nuk janë një rival i lehtë.
Në 13 përballjet ndërmjet tyre, Shqipëria ka fituar vetëm 3 sfida, ka barazuar tre dhe ka humbur 7, një bilanc aspak pozitiv. Gjeorgjia është gjithashtu një nga përfaqësuese që ambienti kuqezi e njeh shumë mirë, kjo është përballja e 13-të në histori, vetëm me Rumaninë jemi ndeshur më shumë, 17 herë.