Premier League, Java 29

Ndalet City, Liverpool gati të përfitojë

15.03.2022 - 00:17

Manchester City është ndalur në transfertë pas dy fitoreve radhazi dhe tashmë kreu që mban ndihet i kërcënuar. Sitizens nuk shkuan më shumë se një barazim pa gola në fushën e Crystal Palace.

Deri në muaj më parw, të gjithë dukeshin të sigurt se City do të shpallej kampion në Angli, por paraqitjet e fundit të skuadrës së drejtuar nga Pep Guardiola, kanë bërë që të rihapet plotësisht lufta për titullin.

Diferenca e Cityt me Liverpool shkon në 4 pikë, por me të kuqtë që kanë zhvilluar një ndeshje më pak. Ndërsa pas pak javësh është edhe dueli direkt mes dy skuadrave që mund të vendosë gjithçka.