Mësohet skuadra e parë gjysmëfinaliste e Europa League. Gjermanët e Leipzig mposhtën Atalantën në kthim 0-2, kur ndeshja e parë kishte përfunduar në barazim 1-1. Leipzig do të ndeshet me fituesin e Rangers-Braga.
Sfida në Bergamo është zhbllokuar në minutën e 18-të. Një gol që ka ardhur pas një aksioni perfekt nga ana e gjermanëve, që kanë arritur ta finalizojnë me gol falë Christopher Nkunku. 24-vjeçari është një nga lojtarët që po shkëlqen në këtë sezon me 29 gola dhe 18 asiste në 43 ndeshjet e luajtura në këtë sezon me Leipzig.
Në fund, kur vendasit po përpiqeshin të conin ndeshjen në shtesë, gjermanët shënojnë edhe golin e dytë. Është sërish Nkunku që realizon në 87’, kësaj here përmes një penalltie. Mbyllet 0-2, Leipzig shkon në gjysmëfinale. Berat Gjimshiti ishte i gatshëm në stol, por trajneri Gasperini nuk preferoi ta fuste për asnjë minutë.
Në Conference League, Leicester përmbysi 2-1 PSV dhe kalon në gjysmëfinale, me takimin e parë që përfundoi pa gola në Angli. Leicester do të përballet në gjysmëfinale me fituesin e ciftit Roma-Bodo/Glimt.
VAZHDO TË LEXOSH MË TEPËR PËR TEMËN
