Një hepatit i rrezikshëm që prek fëmijët po përhapet me shpejtësi në Evropë dhe SHBA. Dje OBSH konfirmoi një vdekje mes fëmijëve të prekur me këtë sëmundje të mëlçisë. Dhjetra fëmijë të moshave nga një muajsh deri në 16 vjeç janë prekur nga inflamacioni i mëlçisë në 12 shtete deri tani, raporton The Sun. Nuk dihet se në cilin shtet ka ndodhur vdekja e fëmijës, pasi OBSH nuk konfirmoi më tepër detaje mbi shpërthimin e hepatitit misterioz.
Ndërsa numrat e të sëmurëve janë rritur javët e fundit, ka pasur 17 fëmijë që janë sëmurë aq shumë sa kanë nevojë për transplantim të mëlçisë. Mbretëria e Bashkuar ka numrin më të madh të rasteve deri më tani, me 114 fëmijë të sëmurë nga 169 raste globale. SHBA, Spanja, Izraeli, Danimarka, Irlanda, Holanda, Italia, Norvegjia, Franca, Rumania dhe Belgjika gjithashtu kanë regjistruar raste të këtij infeksion misterioz.
Rastet janë shtuar pasi sëmundja misterioze u raportua për herë të parë, teksa ekspertët janë duke u përpjekur të zbulojnë se çfarë e ka shkaktuar atë.
Aktualisht shkencëtarët mendojnë se shkaku më i mundshëm është një adenovirus – viruse të zakonshme që shkaktojnë simptoma të ngjashme me gripin dhe problemet gastro-intestinale, dhe zakonisht zgjidhen pa ndonjë problem afatgjatë.Tek fëmijët ato në përgjithësi shkaktojnë një sëmundje të lehtë, me inflamacion të mëlçisë (hepatit) të rrallë. Po investigohet nëse sëmundja ka lidhje me Covidin, ndonëse asnjë nga fëmijët e prekur nuk e kishte bërë vaksinën.
Tradicionalisht, llojet e infeksioneve të shkaktuara nga adonoviruset përfshijnë dhembje veshi, ftohjet e zakonshme, sytë me ngjyrë rozë dhe probleme me bajamet, kollë, dhimbje fyti, diarre dhe temperaturë.
Prindërve u është kërkuar të ndihmojnë në parandalimin e përhapjes së viruseve duke mbikëqyrur fëmijët e tyre të lajnë duart sa më shpesh.
Gjithashtu bëhet thirrje që fëmijët të teshtijnë tek brryli ose në një pecetë.
Ja 10 shenjat kryesore paralajmëruese të hepatitit:
Urinë me ngjyrë të errësuar
Gjuhë e zbehtë deri në ngjyrë gri
Lëkurë e irrituar dhe kruajtje
Zverdhja e syve dhe lëkurës (verdhëza)
Dhimbje të muskujve dhe kyçeve
Një temperaturë të lartë
Ndjesi dhe të qenit i sëmurë
Të ndjerit jashtëzakonisht të lodhur gjatë gjithë kohës
Humbje e oreksit
Dhimbje barku
VAZHDO TË LEXOSH MË TEPËR PËR TEMËN
