Tenisti 19-vjeçar spanjoll Carlos Alcaraz është kualifikuar për në finalen e turneut Masters të Madridit pas fitores 2-1 arritur ndaj numrit 1 në botë, serbit Novak Djokovic. Fitore me përmbysje e Alcaraz, që humbi 7-6 setin e parë e më pas fitoi po 7-6 dy setet e tjera, një ndeshje që zgjati 3 orë e 35 minuta.
Një tenist i destinuar për t’u bërë “numri 1” në botë, teksa brenda 24 orëve mposhti dy të tillë. Në çerekfinale ai pat eliminuar patriotin e idhullin e tij Rafael Nadal, ndërsa në gjysmëfinale Novak Djokovic, duke konfirmuar se është një talent.
“Këto dy fitore më mbushin me besim për të ardhmen”, tha Alcaraz. Ai bëhet tenisti i parë që arrin të mposhtë në dy ndeshje radhazi Nadal e Djokovic. Gjithsesi, për të fituar këtë turne i duhet të mposhtë edhe gjermanin Alexander Zverev në finale, që në gjysmëfinalen tjetër fitoi 2-1 (6-4, 3-6, 6-2) grekun Stefanos Tsitsipas.
Carlos Alcaraz è il primo tennista a battere Rafa Nadal e Novak Djokovic sulla terra in 2 match consecutivi! 💪🇪🇸#EurosportTENNIS | #ATP | #MMOPEN | #Madrid | #Djokovic | #Alcaraz pic.twitter.com/jym2dhW8FO
— Eurosport IT (@Eurosport_IT) May 7, 2022
