“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Si rritet prostata me moshën?
Mjeku: Në jetën e njeriut ka dy periudha të rritjes së prostatës: periudha e parë është në kohën e pubertetit dhe atëherë kjo gjendër dyfishohet si madhësi. Pas moshës 25 vjeç, prostata fillon të rritet përsëri. Kjo rritje pas shumë vitesh mund të rezultojë në hipertrofinë beninje të prostatës.
Rritja e prostatës rrallë shkakton probleme para moshës 40 vjeç, por më vonë në moshën 60-vjeçare gjysma e njerëzve kanë simptoma të rritjes së prostatës dhe në vitet ’70-’80 të jetës gati 90% e njerëzve kanë shqetësime nga prostata.
Kur rritet shumë gjendra, cipa e saj e jashtme nuk e lë të zmadhohet, por ushtrohet presion në kanalin e urinës që kalon në mes të gjendrës duke e shtrënguar atë. Nga ana tjetër, fillon dhe shtypet nga poshtë fshikëza e urinës dhe kjo jep mosmbajtjen gjatë të urinës dhe njeriu ka ndjenjën e urinimit të shpeshtë.
Me kalimin e kohës, muskulatura e fshikëzës së urinës dobësohet dhe kur urinon, njeriu nuk nxjerr jashtë të gjithë urinën, por një pjesë qëndron në fshikëzën e urinës. Kjo urinë që ngelet pa u zbrazur, mund të infektohet e kjo sjell pasoja të mëtejshme të infeksionit urinar.
Në të vërtetë rritja e prostatës është normale gjatë plakjes, sikurse janë flokët e thinjura. Në vendin tonë çdo vit vizitohen tek mjeku për problemet e prostates afro 40 mijë vetë.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Je me prostatë? Ky gabim mund të të kushtojë jetën!
Kanceri i prostatës/ Si ta evitoni
