MENU
klinika

Ja çfarë ndodh me grupin tonë

UEFA përjashton Rusinë, përfiton Shqipëria

02.05.2022 - 20:04

UEFA ka vendosur zyrtarisht që të përjashtojë ekipet ruse dhe kombëtaren e këtij vendi nga aktivitetet e saj edhe për sezonin tjetër. E thënë ndryshe, Rusia nuk do të luajë duke filluar pikërisht nga pjesëmarrja në Ligën e Kombeve, teksa ndeshja e parë përkonte me Shqipërinë më 2 qershor.

Në mbledhjen e sotme të Komitetit Ekzekutiv të UIEFA-s, është vendosur që të merret kjo masë për të garantuar që planifikimi dhe zhvillimi i sezonit të ardhshëm të zhvillohet në kushte normale, pa pasur gjithmonë dyshimet që Rusia do të jetë apo jo e sanksionuar për shkak të luftës në Ukrainë.

“Rusia nuk do të marrë pjesë në Grupin 2 të Ligës B  dhe do të renditet automatikisht e katërta në këtë grup. Si rrjedhojë, ata do të bien në fund të fazës në grupe dhe do të renditen në vendin e 16, të fundit, në Ligën B”, – shkruhet në pjesën e vendimit që i përket pjesëmarrjes në Ligën e Kombeve 2022.

Ky lajm është i mirë për Shqipërinë  pasi i jep asaj një mundësi reale për të fituar grupin, ku tashmë kundërshtare ka vetëm Islandën dhe Izraelin, ndërsa garanton që nuk do të bjerë nga kjo Ligë në fund të edicionit, duke qenë të paktën edhe një tjetër sezon në Ligën B me kundërshtarë më të fortë e më shumë të ardhura financiare.

Të njëjtin fat si kombëtarja A e meshkujve e kanë pësuar edhe ato të moshave, ashtu si edhe për futbollin e femrave, futbollin e sallës, si dhe është bërë e ditur se asnjë klub rus nuk do të merrte pjesë në Ligën e Kampioneve, Ligën e Europës apo Ligën e Konferencës në edicionin 2022-2023. Gjithashtu, UEFA ka refuzuar aplikimin e Rusisë për të qenë vendi organizator i EURO 2028/2032.

VAZHDO TË LEXOSH MË TEPËR PËR TEMËN



Merr për herë të katërt radhazi titullin kampion

Manchester City shkruan historinë

Ka shënuar 23% të golave pas minutës së ‘90

Granit Xhaka: Jemi të pabesueshëm!

I heq nga duart sfidën Gjermani-Skoci

Tërboi Bayern në Madrid, UEFA nuk fal Marciniak