Jehona e Armando Brojës ka filluar të ndihet fuqishëm jo vetëm në Angli, fama e tij ka përfunduar në Serie A ku për kohësh flitet për një interesim nga disa prej klubeve më të mëdha.
Nuk është një sekret që Napoli po e monitoron prej kohësh teksa shohin tek “bomberi” kuqezi zëvendësuesin ideal të Victor Osimhen. Në një moment, u fol edhe për një interesim nga ana e Milan, por së fundmi sipas mediave angleze dhe italiane, në garë për të siguruar shërbimet e Brojës është futur edhe Inter.
Zikaltërit e shohin si një opsion të rëndësishëm në rast se nuk arrijnë të rikthejnë Romelu Lukakun në Milano. Broja shihet gjithashtu edhe si një pasues i Edin Dzeko.
Kjo pritet të jetë një verë e nxehtë për futbollin shqiptar pasi interesimi për të është shumë i madh edhe në Premier League ku kërkohet nga klube si Arsenal, Everton, Neëcastle, Ëest Ham etj. Mbetet për t’u parë se çfarë vendimi do të marrë Chelsea, skuadër që ka në pronësi kartonin e tij.
VAZHDO TË LEXOSH MË TEPËR PËR TEMËN
Ramadani kalon në Skoci, e zyrtarizon klubi
