Kristjan Asllani po kalon një formë të shkëlqyer te skuadra e Interit, duke fituar simpatinë e specialistëve dhe analistëve italianë. Së fundmi ka qenë gazetari Mario Sconcerti, që në një prononcim për “Corriere della Sera” nuk i ka kursyer elozhet për Asllanin.
Sipas tij, mesfushori shqiptar do të jetë më shumë se sa thjesht një zëvendësues i Brozovic, pasi do të jetë shumë e vështirë që të lihet në stol një lojtar i tillë si Asllani.
“Në botën e Inter, dy blerje shumë të rëndësishme ndoshta janë nënvlerësuar. Unë flas për Asllanin dhe Mkhitaryan. Do të jetë e vështirë për ta mbajtur Asllanin në stol. Këtu fleksibiliteti duhet t’i përkasë trajnerit.
Nuk mendoj se Inzaghi do të heqë dorë ndonjëherë nga 3-5-2, por gjithnjë e më shumë skuadra në Europë po e lirojnë mbrojtësin e tretë për të blerë një njeri në mesfushë. Asllani është njëzet vjeç dhe mund të presë, por puna që ka tashmë është pothuajse e jashtëzakonshme, qartësia e ideve. Do jetë më shumë se një zëvendësues i Brozovic”, u shpreh Mario Sconcerti.
VAZHDO TË LEXOSH MË TEPËR PËR TEMËN
Lëvizja që mund të lë Brojën te Chelsea
