Iu dorëzua ditën e sotme, pas 7 vjet “zhdukjeje”, pianoja antike grabitur në vitin 2015, Konservatorit të Parmës, Itali. Instrumenti muzikor me vlera të rralla historike kishte përfunduar në vendin tonë, për t’u shitur.
“Clavikorda”, pianoja e vjetër e shekullit të XVIII, pjesë e trashëgimisë kulturore italiane, u gjet në një dyqan instrumentesh muzikore në Shqipëri Ishin ministri i Drejtësisë Ulsi Manja dhe ajo e Kulturës, Elva Margariti, të cilët ia dorëzuan komandantit të Karabinierëve për trashëgiminë kulturore, gjatë një ceremonie në ambientet e ministrisë së Drejtësisë.
Ministri Manja vlerësoi se, dorëzimi i pianos së shekullit të XVIII, që ishte vjedhur në Itali, është një shenjë e bashkëpunimit serioz, me një vend mik, siç është Italia.
“Është një takim që shpreh një bashkëpunim të shkëlqyer që ekziston ndërmjet Shqipërisë dhe Italisë, edhe në fushën e trashëgimisë kulturore.
Në fakt, objekti që do t’u dorëzojmë sot autoriteteve italiane do ta merret posaçërisht nga gjeneral Rikardi dhe stafi i tij. Është një objekt i trashëgimisë kulturore italiane me vlera të padiskutueshme historike, është një clavikordë e vjedhur në Parma në vitin 2015.
Dhe falë një bashkëpunimi të autoriteteve gjyqësore të Parmës dhe autoriteteve shqiptare, konkretisht Prokurorisë së Tiranës, në tetor të viti 2021 është bërë e mundur gjetja e kësaj clavikorde. Instrumentin, e ka dorëzuar një qytetar nga Vora”, – ka theksuar ai.
VAZHDO TË LEXOSH MË TEPËR PËR TEMËN
“Shkodra Jazz Festival”
‘Rolling Stones’/ Grupi që bëri rock&rollin popullor
‘’Scriptum n’ Sonus’’ përmbushi sallën Unesco
