Sanna Marin, rezulton se nuk kishte pirë asnjë drogë ilegale. Kryeministrja 36-vjeçare e Finlandës ishte thjesht e gëzuar në videon e publikuar ku shihet duke kërcyer plot energji në një festë me disa miq.
Ky vjen si një zhgënjim i madh për lideren e opozitës që kërkoi që ajo t’i nënshtrohej një testi për drogën dhe të djathtët që kanë sulmuar vazhdimisht një gruaje që mendon se mund të udhëheqë një vend dhe të argëtohet njëkohësisht.
Nuk është e nevojshme të hidhni sytë për të parë standardet e dyfishta seksiste të përfshira në këtë “skandal”.
Boris Johnson ka një numër të panjohur fëmijësh me shumë gra? Epo, thjesht Boris është Boris. Donald Trump i paguan shuma të mëdha parash një ylli të pornografisë? Djemtë janë djem. Një grua që kërcen me disa nga miqtë e saj në një dhomë? Test droge menjëherë!
Unë nuk dua të keqkuptohem; Unë e kuptoj pse disa njerëz janë kaq të bezdisur që Marin i mban flokët lëshuar.
Dikur më dukej e pabesueshme sjellja e kryeministred. Por megjithatë ajo arrin të balancojë të qenit kryeministre me të qenurit nënë dhe ende ka energjinë për të kërcyer me miqtë e saj, ndërkohë që duket jashtëzakonisht magjepsëse. Unë mezi marr energji për të larë flokët disa mëngjese dhe puna ime nuk përfshin negociata me NATO-n. (Ne të gjithë do të ishim në shumë telashe nëse do të ndodhte.)
E dini çfarë, megjithatë? Ndërsa kërkesat për testin e drogës ishin të zhytur në seksizëm, nuk mendoj se është një ide e keqe që politikanët të detyrohen të bëjnë një të tillë herë pas here
Në SHBA, një numër punëdhënësish (përfshirë Coca-Cola-n) i detyrojnë punëtorët e tyre të bëjnë teste të rastësishme të drogës, por njerëzit që drejtojnë vendin dhe bëjnë politika ndëshkuese të drogës nuk detyrohen t’i nënshtrohen vetë testimit
Mendoj se analizat e drogës janë të nevojshme. Mund të na hapë sytë.
Arwa Mahdawi është kolumniste e The Guardian
Burimi: The Guardian
Përktheu dhe përshtati: Konica.al
VAZHDO TË LEXOSH MË TEPËR PËR TEMËN
Këto femra po sjellin një frymë të re në politikë!
