Diego Armando Maradona vijon të ketë impakt jo vetëm te njerëzit dhe tifozët e shumtë të futbollit, por edhe te legjenda dhe ish-futbollistë që luajtën krah tij ose kundër.
Një ndër ta është edhe Lothar Matthaus, ish-kapiteni legjendar i Gjermanisë, që mes të tjerash, luajti edhe 2 ndeshje finale botërori kundër Maradonës, në Meksikë 86’ dhe Italia 90’, të dy ishin kapitenë.
Edhe pse kundërshtarë, ata patën respekt për njëri-tjetrin, madje edhe kur luajtën njëri për Napolin dhe tjetri për Interin. Dhe pikërisht për këtë lloj afeksioni, Matthaus i dhuroi Muzeut të Legjendave fanellën e mikut të tij, Maradona.
Ish-kapiteni i Gjermanisë e mori këtë suvenir unik nga Diego në vitin 1986, pas finales së Kupës së Botës në Meksikë. Tani, kjo fanellë do të jetë e ekspozuar për këdo në “Legends – The Home of Football”, në Madrid.
VAZHDO TË LEXOSH MË TEPËR PËR TEMËN
“Maradona më ofroi 1 mln marka për te Napoli”
