Detaje të reja publikohen nga vrasja e Madrit Ulqinakut dy ditë më parë në qytetin e Elbasanit.
Policia ka dokumentuar përmes kamerave të sigurisë të gjithë skenën, që nga nisja e konfliktit e deri tek ekzekutimi i 33-vjeçarit nga i riu Horgito Peqini.
Fillimisht, 3 të rinjtë u përfshinë në një konflikt me 33-vjeçarin Madrit Ulqinaku. Pas debatit, 18-vjeçari Horgito Peqini shkoi në makinën e tij ku mori armën tip pistoletë dhe e qëlloi në shpinë Ulqinakun.
Si pasojë e plagëve, 33-vjeçari ndërroi jetë në vend. 3 të rinjtë më pas u larguan me automjet.
Një ditë pas ngjarjes (18 gusht), policia arrestoi një prej personave të përfshirë në konflikt, 18-vjeçarin Ejden Dino, ndërsa janë shpallur në kërkim autori Horgito Peqini si dhe Klajdi Sallufi.
Nga hetimet paraprake, policia e ka cilësuar ngjarjen si një konflikt të çastit, por vijojnë hetimet për dokumentimin e plotë të vrasjes.
VAZHDO TË LEXOSH MË TEPËR PËR TEMËN
Ky është 33-vjeçari që u ekzekutua në Elbasan!
