Partizani vuajti shumë në sfidën e parë të kampionatit, por në fund fitoi 2-1 me përmbysje ndaj Egnatias. Sukses që erdhi në minutat shtesë të ndeshjes.
Ndeshja nisi me vrull, ku Partizani ishte më kërkues. Por në minutën e 32-të të kuqtë ndëshkohen. Menish gabon kthimin e një topi mbrapa, Rexhepi nuk shkelmon topin dhe Camaj e ka të lehtë të çojë sferën në rrjetë. 0-1 për Egnatian. Me këtë rezultat përfundon pjesa e parë.
Partizani rrit shumë ritmin në pjesën e dytë dhe shpërblehet në minutën e 56-të. Aksion nga e majta e sulmit për Partizanin, Hoti gjuan e më pas sfera devijohet me dorë nga Atanda. Gjyqtari i drejtohet VAR dhe pasi shikon pamjet, bën shenjë nga pika e bardhë e penalltisë. Hoti gjuan saktë nga pika e bardhë dhe 1-1.
Të kuqtë morën zemër dhe vijuan aksionet deri në fund për golin e fitores. Për fat, erdhi në minutën e shtatë shtesë. Skuka shënon një supergol me një gjuajtje nga jashtë zonës duke mposhtur Sherrin.
VAZHDO TË LEXOSH MË TEPËR PËR TEMËN
Erzeni shtang Vllazninë, mjafton një supergol
Taulant Seferi transferohet te klubi ukrainas
10 vjet president i Partizanit, Demi: U premtoj tifozëve…
