Sheila e “Big Brother Vip” ishte dikur shumë e njohur për publikun shqiptar për bashkëpunimin e saj me Noizy-n në këngën e famshme “Boll mo me pytje”.
Për herë të parë, Sheilën e njohëm nga Noizy dhe asokohe nuk mungonin postimet e tyre në rrjete sociale, ku tregonin shoqërinë e mirë që kishin me njëri-tjetrin.
Mirëpo, kjo shoqëri papritur mbeti në heshtje. Prej kohësh s’kemi parë më asnjë postim, asnjë deklaratë, asnjë lloj mbështetjeje për njëri-tjetrin dhe asnjë foto bashkë.
Me të drejtë, fansat e dyshes aluduan se miqësia e tyre ishte prishur.
Teksa Sheila zhvillonte disa kohë më parë një pyetje-përgjigje me ndjekësit e saj në InstaStory, dikush e ka pyetur për marrëdhënien e saj me reperin.
“Po me Noizyn si i keni marrëdhëniet më përpara keni qenë miq jeni më…”, i ka shkruar ndjekësi.
“Më shumë se miq”, i është përgjigjur këngëtarja, duke i futur të gjithë në dyshime me deklaratën e saj.
Ndërsa së fundmi edhe Noizy ka diçka për të thënë për Sheilën. Kjo e fundi u bë pjesë e “Kënga Magjike” dhe reperi përmes një postimi në Instastory, i uroi fitoren.
Këngëtarja është përfolur për lidhjen e saj me reperin vite më parë. Mediat shkruanin në vitin 2012 se Sheila dhe Noizy kanë pasur lidhje përpara se ajo të fitonte “X-Factor”.
Shfaqja e tyre e parë në publik ishte në “Kënga Magjike 2011”, ku Sheila ishte ulur në tavolinën e miqve më të afërt që mbështesnin Noizy-n në konkurrim.
Megjithatë, e pyetur për lidhjen me reperin dhe bashkëpunimin me të në një intervistë në “Top Show”, Sheila ka mohuar gjithçka.
VAZHDO TË LEXOSH MË TEPËR PËR TEMËN
‘Ofendoi’ hapur Gjebrean, Noizy zbulon arsyen pse fshiu postimin
“Je artist i vogël”, Noizy shpërthen ndaj Ardit Gjebreas
“Noizy jobesnik”/ Enca habit me deklaratën
