Roma rikthehet te fitorja në Serie A pas humbjes në shtëpi, duke mundur 1-3 në transfertë Veronën. Tri pikë me vuajtje, por me shumë vlerë për verdhekuqtë, që ngjiten në vendin e katërt, -7 pikë nga kreu.
Pjesa e parë e lojës ishte mjaft e luftuar nga të dyja palët. Mbrojtësi polak i Veronës, Paëel Daëidoëicz “rrëmbeu skenën” në fraksionin e parë, teksa shënoi gol në minutë ne 27-të. Po Pawel Dwidowicz u ndëshkua me karton të kuq pas 9 minutash, pas një ndërhyrje ndaj Zaniolos.
Zaniolo përfiton pas një topi të kthyer nga përplasja e sferës në shtyllë dhe vendos ekuilibrat, pak sekonda para se ekipet t’u drejtoheshin dhomave të zhveshjes. Goli konfirmohet edhe nga VAR, pas një kontrolli që zgjati pothuajse 1 minutë.
Në superioritet numerik, ekipi i drejtuar nga Jose Mourinho do rriste ndjeshëm presionin, por do haste vështirësi në fazën ofensive, pasi veronezët dukeshin mirë të vendosur në prapavijë.
Një goditje e talentit Velpata në minutën e 88-të shkoi në rrjetë, duke cuar në festë tifozërinë mike dhe duke i dhënë Romës 3 pikë të rëndësishme. Verona pësoi edhe të 3-tin në shtesë, me Volpatën që këtë herë është protagonist me assist për El Sharawaay.
VAZHDO TË LEXOSH MË TEPËR PËR TEMËN
Torino befason Milanin, “nder” Napolit
Lazio përmbyset në “Olimpico” dhe humb terren me kreun
Katër fitore radhazi, Inter nuk ndalet
