“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Përdorimi i shpeshtë i antibiotikëve rrit rrezikun nga sëmundjet inflamatore?
Mjeku:Përdorimi i shpeshtë i antibiotikëve mund të rrisë rrezikun e sëmundjes inflamatore të zorrëve siç është sëmundja Crohn dhe kolitit ulceroz në mesin e të rriturve mbi 40 vjeç.
Dëshmitë sugjerojnë se faktorët mjedisorë ka të ngjarë të përfshihen në zhvillimin e sëmundjes inflamatore të zorrëve (IBD). Një faktor i lidhur me rrezikun e IBD tek të rinjtë është përdorimi i antibiotikëve, por nuk është e qartë nëse kjo lidhje mund të zbatohet edhe tek të moshuarit.
Për ta eksploruar më tej, studiuesit u mbështetën në të dhënat mjekësore kombëtare nga viti 2000 deri në 2018 për qytetarët danezë të moshës 10 vjeç e lart, të cilët nuk ishin diagnostikuar me IBD. Ata në mënyrë specifike donin të dinin nëse koha dhe doza e antibiotikut mund të jenë të rëndësishme për zhvillimin e IBD
Më shumë se 6.1 milionë njerëz u përfshinë në studim, pak më shumë se gjysma e të cilëve ishin femra. Në total, 5.5 milionë (91%) u ishte përshkruar të paktën një kurs antibiotikësh midis 2000 dhe 2018. Gjatë kësaj periudhe, u diagnostikuan rreth 36.017 raste të reja të kolitit ulceroz dhe 16.881 raste të reja të sëmundjes së Crohn.
Në përgjithësi, krahasuar me mungesën e përdorimit të antibiotikëve, përdorimi i këtyre barnave u shoqërua me një rrezik më të lartë të zhvillimit të IBD, pavarësisht nga mosha. Por mosha më e madhe shoqërohej me rrezikun më të lartë.
Ata të moshës 10-40 vjeç kishin 28% më shumë gjasa për t’u diagnostikuar me IBD, moshat 40-60 vjeç kishin 48% më shumë gjasa për të marrë këtë diagnozë, ndërsa ata mbi 60 vjeç kishin 47% më shumë gjasa për ta bërë këtë.Rreziqet ishin pak më të larta për sëmundjen e Crohn-it sesa për kolitin ulceroz: 40% tek moshat 10-40 vjeç, 62% te moshat 40-60 vjeç dhe 51% te mbi të 60-at.
Koha gjithashtu dukej të ishte ndikuese, me rrezikun më të lartë për IBD që ndodh 1-2 vjet pas ekspozimit ndaj antibiotikëve. Në mënyrë të veçantë, tek moshat 10-40 vjeç, rreziku i IBD ishte 40% më i lartë 1-2 vjet pas marrjes së antibiotikëve krahasuar me 13% më i lartë 4-5 vjet më vonë. Shifrat ekuivalente për moshat 40-60 vjeç ishin 66% kundrejt 21% dhe për ata mbi 60 vjeç, 63% kundrejt 22%.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
