Historia e dashurisë e Taylor Swift dhe Joe Alwyn thuhet se ka mbaruar. Këngëtarja dhe aktori, të cilët kanë qenë së bashku për më shumë se gjashtë vite janë ndarë.
Mediat e huaja bëjnë me dije se ndarja ka ndodhur disa javë më parë dhe ka qenë në mënyrë paqësore.
“Nuk ishte dramatike”, kanë thënë burime për to. Swift, 33-vjeçare ka nisur “Eras Tour” më 17 mars dhe fansat kanë vënë re se Alwyn, 33-vjeçar, ka munguar në shumë koncerte.
Gjatë gjithë viteve të tyre së bashku, ish-çifti kanë qenë disa herë në qendër të thashethemeve të fejesës. Ata u takuan në “Met Gala 2016” dhe filluan të dilnin disa muaj më vonë, megjithëse e bënë publike në 2017.
Taylor nga ana tjetër foli për këtë histori dashurie në dokumentarin e saj të vitit 2020, “Miss Americana”. “Ne vendosëm së bashku që të mbanim marrëdhënien tonë sa më private”, u shpreh asokohe ajo.
VAZHDO TË LEXOSH MË TEPËR PËR TEMËN
‘Top 5’ artistët më të dëgjuar të dekadës
Bebe Rexha fiton çmimin e parë në “MTV VMAs”
