05.06.2023 - 14:51
Kryetari i grupit parlamentar të PD-së, Gazment Bardhi ditën e sotme ka mbledhur grupin parlamentar, ku kanë diskutuar për situatën politike të Partisë Demokratike.
Bardhi ka propozuar që partia të riorganizohet nga poshtë-lart. Bardhi ndër të tjera ka propozuar që riorganizimi i partisë të nisë nga seksioni, degët dhe më pas te zgjedhjet për kryetarin e PD. Proces ky që sipas tij do të sjellë dhe bashkimin e demokratëve.
Ndërkohë në orën 17:00 do të zhvillohet një mbledhje me disa prej kryetarëve të degëve të kësaj partie.