Reperi i njohur kanadez, Drake është goditur me telefon në koncertin e turneut “It’s All a Blur” në Çikago.
Sipas videos që po bën xhiron e rrjetit shihet qartë që fansi e ka goditur me telefon në krah 36-vjeçarin, por ai nuk e ka ndërprerë koncertin për asnjë moment duke vazhduar të performojë në skenë këngën e tij “So Anxious”.
Ndonëse fansi e ka hedhur telefonin e tij në skenë me një qëllim të caktuar, mesa duket artisti nuk është lënduar.
Kujtojmë që muajin e kaluar këngëtarja shqiptare me famë botërore, Bebe Rexha u godit me telefon në fytyrë nga një fans teksa po performonte në koncertin e saj ‘The Rooftop’ në Pier 17, të turneut “Best F’n Night Of My Life”.
Si pasojë e lëndimeve të rënda që mori ajo u dërgua me urgjencë në spital dhe mori disa qepje në fytyrë.
Ndërsa pas Bebes disa javë më parë edhe këngëtarja e njohur Ava Max u godit me shëplakë në fytyr nga një djalë teksa po performonte këngët në koncertin e saj më të fundit.
E për të mos mjaftuar kjo gjithashtu edhe Pink u surprizua nga një fans, ndërsa po performonte në skenë pasi së fundmi ndjekësja i hodhi në skenë hirin e nënës së saj të vdekur.
Pas kësaj ngjarje këngëtarja e hitit “There You Go” mbeti e shokuar dhe përpara se ta vendoste hirin në një skaj të skenës tha: “Nuk e di si ndihem për këtë”.
VAZHDO TË LEXOSH MË TEPËR PËR TEMËN
42 diamante në varësen e Drake, por ja kuptimi i fshehtë i tyre
“Boll përmendët që keni fjetur me gruan time”
