12.11.2023 - 19:28
Goteborg fitoi 1-2 ndaj Varberg (Kampionat suedez), në sfidën e luajtur në Paskbergsvallen (Varberg). Arbnor Muçolli, lojtari i thirrur nga Shqipëria dhe që aktivizohet te Goteborg “rrëmbeu skenën” në fundin e ndeshjes.
Sulmuesi gaboi nga pika e bardhë e 11-metërshit në minutën e 89-të, duke humbur kështu një shans të artë për ekipin e tij. Gjithsesi, 24-vjeçari rregulloi gabimin me një asist për Carlen në të 95-tën.
Ky është sezoni i tij i parë në Suedi në Allsvenskan. Më parë, Muçolli mbahet mend për përvojën te Velje në Danimarkë. Goterborg renditet në vendin e 13-të pas 30 ndeshjesh.
