Rreth 100 blegtorë sapo bllokuan rrugën nacionale Kardhiq -Delvinë. Ata kërkojnë të merren parasysh kërkesat e tyre shumëvjeçare mbi problematikën e sektorit të lidhura me çmimet e produkteve blegtorale, mungesën e subvencioneve, kufizimin e kullotave.
Blegtorët janë shprehur se po bllokojnë rrugën në shenjë proteste, ndërsa kërkojë takim me zyrtarë të qeverisë për të adresuar shqetësimet e tyre.
“Në shenjë proteste bllokojmë rrugën që ta kuptojnë të gjithë. Ne jemi njerëz, të vijnë e të na takojnë. Mos të rrinë në zyrat luksoze që i kanë mobiluar me paratë që BE-ja jep për ne dhe i kanë kthyer në ofiqet e tyre. Të vijnë të na takojnë, jemi njerëz, jetojmë në këtë vend, i japim të ardhura këtij vendi”, tha një protestues.
“Kam 150 dhen, për ta kam harxhuar 15 milionë lekë. Të ulë çmimet ose ta bëjë qumështin 2 mijë lekë se tre kile qumësht i thonë 3 kile djathë. Baxhoxhiu e shet kile e djathit me 13 mijë lekë. Nëse ai e shet me 8 mijë lekë, jemi dakord ne. Tjetri rri në mal dhe vuan si qeni, dhe tallin b…, ç’është kjo, I lutemi shtetit të marrë masa për këto punë, ose dhentë do shiten dhe do ikim jashtë shtetit”, tha një blegtor.
VAZHDO TË LEXOSH MË TEPËR PËR TEMËN
“Nëse nuk vë dorën qeveria, jemi të falimentuar!”
Braçe del në protestë me fermerët në Lushnjë: Me këta falimenton e gjithë Shqipëria
Fermerët e Roskovecit ngrihen në protestë
