Humbja e disa kilogramëve të tepërt është diçka normale, sidomos nëse arrihet nëpërmjet një regjimi të kujdesshëm ushqimor dhe aktivitetit fizik.
Por nëse njeriu bie në peshë krejt papritur pa asnjë lloj ndryshimi në stilin e jetesës, atëherë ka diçka që nuk shkon.
Sipas studimeve, humbja e pashpjegueshme e më shumë se 5 përqind të peshës trupore në më pak se një vit, tregon një problem shëndetësor.
Sëmundjet që shkaktojnë rënie të papritur në peshë
Diabeti
Rënia në peshë tek diabetikët ndodh për dy arsye: humbja e lëngjeve nga trupi dhe përthithja e pakët e kalorive si pasojë e sheqerit të lartë në gjak.
Për më tepër, kur trupi nuk prodhon mjaftueshëm insulinë, ai djeg më shumë yndyrë dhe energji muskulare.
Simptoma të tjera të diabetit përfshijnë: etje të tepruar, uri të madhe, lodhje, nxirje të lëkurës dhe mpirje të këmbëve dhe duarve.
Sipas informacioneve, hipertiroidizmi dhe tepria e hormoneve në gjak shkakton një ritëm të lartë metabolik që shteron energjinë e trupit.
Përveç rënies së shpejtë nga pesha, ky problem përshpejton rrahjet e zemrës, rrit nivelin e djersitjes, panikut, luhatjet e humorit dhe shkakton shumë lodhje.
Ulçera në stomak
Ulçera në stomak shkakton rënie të papritur në peshë.
Kjo ndodh sepse ulçera manifestohet jo vetëm me dhimbje por edhe me të përziera, të vjella dhe mungesë oreksi.
Parazitët në sistemin tretës
Gjatë pushtimit të zorrëve nga parazitët, njeriu përjeton një rritje të oreksit sepse parazitët ushqehen me atë që ha njeriu.
Rënia në peshë në të vërtetë nënkupton se kjo është mënyra më e mirë e trupit për t’i eliminuar ata.
Depresioni
Rënia në peshë gjatë depresionit është e pavullnetshme.
Ndjesia e mërzisë, humbjes, zemërimit dhe frustrimit prek çdo aspekt të jetës përfshirë edhe oreksin.
Tumoret
Rënia e papritur në peshë është një nga shenjat më të qarta treguese të tumoreve pavarësisht zonës së prekur prej tij.
Rritja e pakontrolluar e qelizave anormale përshpejton metabolizmin dhe shteron burimet energjike të organizmit.
Me shpërndarjen e qelizave kancerogjene, funksionet e organeve pësojnë një rënie drastike.
Edhe trajtimet kundër kancerit siç është kemioterapia mund të shkaktojnë rënie të oreksit, të vjella, dhe vështirësi në ushqyerje.
Skleroza
Rënia në peshë tek moshat e mesme mund të jetë një tregues i sklerozës apo sëmundjes së Alzheimerit.
Këto sëmundje nervore prishin mekanizmin e trupit që rregullon peshën duke shkaktuar humbjen e saj shumë kohë përpara diagnostikimit.
Shkaqe të tjera të rënies në peshë
Përveç sëmundjeve të lartpërmendura, rënia e papritur në peshë mund të shkaktohet edhe nga kequshqyerja, sëmundjet e rrugëve të frymëmarrjes, problemet me zemrën, medikamentet.
Rekomandohetn patjetër konsultën me mjekun nëse vini re rënie të papritur dhe të pashkpjegueshme të peshës.
VAZHDO TË LEXOSH MË TEPËR PËR TEMËN
‘Inseminimi intrauterine’/ Si të mbeteni shtatëzënë!
“Kisha probleme me sytë! Këto këshilla futi në ‘xhep’ dhe ti!”
“M’dhemb shpina, s’bëj dot asgjë!” Urgjent tek mjeku nëse…
