Në Shkodër është finalizuar me sukses operacioni i policisë i koduar “BARDHAJ”.
Si rezultat i finalizimit të këtij operacioni është goditur një tjetër tentativë për trafik të lëndëve narkotike.
Policia ka sekuestruar 151 kg marijuanë dhe dy automjete.
Në flagrancë janë arrestuar 3 shtetas.
NJOFTIMI:
Nga Strukturat e DVP Shkodër, mbi bazën e një pune të mirëfilltë operative policore, pasi janë grumbulluar informacione në lidhje me një grup kriminal që ka lidhje me organizimin, financimin dhe transportin me qëllim trafikimin e lëndëve narkotike drejt Malit të Zi, u finalizua me sukses operacioni policor “Bardhaj”, ku u kapën dhe u arrestuan në flagrancë shtetasit:
K. P., 25 vjeç, banues në Shkodër
R. B., 42 vjeç, banues në Danilograd, Mali i Zi.
M. R., 36 vjeç, banues në Nikshiq, Mali i Zi
Kapja dhe arrestimi i shtetasve të mësipërm u bë pasi nga kontrolli në brendësi të mjetit tip furgon “Volksëagen” me targa malazeze, i cili ishte futur në Shqipëri nëpërmjet PKK të Hanit të Hotit nga shtetasi R.B, u konstatuan 25 paketime polisteroli, 13 nga të cilat kishin brenda tyre lëndë narkotike të dyshuar “marijuanë” me peshë totale 151 kg, e cila u sekuestrua në cilësinë e provës materiale.
Në cilësinë e provës materiale, u sekuestruan 2 automjete, 5 telefona celularë, 1 palë dylbi dhe një sasi eurosh.
Vijojnë hetimet për identifikimin dhe kapjen e personave të tjerë të përfshirë në këtë aktivitet kriminal.
Materialet procedurale i kaluan Prokurorisë pranë Gjykatës së Shkallës së Parë Shkodër, për veprat penale “Trafikimi i narkotikëve kryer në bashkëpunim i mbetur në tentativë” dhe “Prodhimi dhe shitja e narkotikëve kryer në bashkëpunim”, vepra këto të parashikuara nga nenet 283/a/2, 22 dhe 283/2 të Kodit Penal.
VAZHDO TË LEXOSH MË TEPËR PËR TEMËN
“Forca e Ligjit” në Shkodër, 4 në pranga, 1 në kërkim
Kapja e bandës ‘Bajri’, Rama: Policia e Shtetit foli
