Lionel Messi po zhvillon një sezon të jashtëzakonshëm duke e ndihmuar Barcelonën të sigurojë titullin në La Liga dhe të jetë një pretendente kryesore për fitimin e Ligës së kampionëve.
Argjentinasi po kalon një formë mjaft të mirë duke shënuar thuajse çdo ndeshje ku viktima e tij e fundit ishte Manchester United.
Ish-trajneri i “Djajve të Kuq”, Jose Mourinho ka folur rreth ndeshjeve të Champions duke këshiluar trajnerin e Liverpool, Jurgen Klopp se si të ndalin Barcelonën.
Portugezi shprehet se për të ndalur yllin e katalanasve, duhet të ndërtosh një kafaz.
“Messi ka një sezon fenomenal dhe tani me largimin e Juventusit dhe Cristiano Ronaldos, ai gjithashtu e di se Topi i Artë po e pret.
Sipas mendimit tim, është e lehtë ta kuptosh lojën e Messit, por nuk është e lehtë ta ndalësh, sepse ai kalon nga krahët në qendër dhe mund të bëjë çfarë të dojë.
Nuk mund të mbulohet një kundër një, sepse e kalon gjithmonë kundërshtarin. Për ta ndalur duhet krijuar një kafaz”, ka deklaruar Mourinho.
Më herët foli edhe mbrojtësi më i mirë i Liverpool, Virgil van Dijk i cili u shpreh se as ai nuk e di se si ta ndalë ‘pleshtin’
VAZHDO TË LEXOSH MË TEPËR PËR TEMËN
Ajax i kishte parashikuar më herët gjysmëfinalistët e Champions
Hazard tek Real Madrid, së shpejti zyrtarizimi
