Në provën e parë të saj në Eurovizion këngëtarja Jonida Maliqi ka shkëlqyer me performancën.
Por krahas performancës së zjarrtë të këngëtares, Shqipëria është kritikuar për paraqitjen e dobët skenike.
Mediat e huaja kanë kritikuar Shqipërinë për paraqitjen skenike, pasi e përshkuajnë atë të zymtë.
“Për fat të keq, skena u ndje e zbrazët. Shqiponja e premtuar dështoi të materializohej, madje edhe në fund të fundit, dhe si shumë faza të tjera të këtij viti, ajo u ndje shumë e zymtë.
Kishte një efekt premtues që skena do të ndizej, por nuk ndodhi sepse në skenë në përgjithësi mbizotëronte e zeza“, shkruan ‘Wiwibloggs’, media që pasqyron paraqitjen e këngëtarëve në Eurovizion sipas komentatorëve të festivalit.
Duke marrë parasysh se regjia skenike është një pikë shumë e fortë në përfaqësimin e një shteti në Eurovizion, duket se Shqipëria po humbet pikë.
Kujtojmë se e njëjta gjë ndodhi edhe me kënngëtarin Eugent Bushpepa vitin e kaluar, sepse Shqipëria u kritikua për regjinë e dobët skenike.
VAZHDO TË LEXOSH MË TEPËR PËR TEMËN
Eurovizion 2019/ Kënga shqiptare, dhimbje për emigrimin
