Media gjermane “Frankfurter Allgemeine Zeitung” në një kohë kur pritet të publikohet progres-raporti për Shqipërinë dhe vendet e Ballkanit Perëndimor ka dalë me një artikull për Shqipërinë.
‘Frankfuerter Allgemeine Zeitung’ shkruan se “Bashkimi Europian po përpiqet të shtyjë hapjen e shpejtë të negociatave të pranimit në union të Maqedonisë së Veriut dhe Shqipërisë”.
“Do të jetë në tetor, derisa të merret vendimi”, u shpreh kryetari i Komitetit të Bundestagut të Evropës, Gunther Krichbaum.
Teksa sipas tij, ndonëse do të merret një votë pozitive nga 28 shtetet anëtare në mes të qershorit, kjo nuk do të thotë asgjë për këto vende.
Ministri i Shtetit në Ministrinë e Jashtme Gjermane, Michael Roth (SPD), nga ana tjetër, kërkon një fillim të shpejtë të bisedimeve të pranimit në BE të këtyre vendeve.
“Tani është në dorën e BE-së për të ofruar. Ne i qëndrojmë fjalës dhe duhet të mbajmë premtimet tona. Maqedonia Veriore dhe Shqipëria kanë bërë progres të prekshëm”, u shpreh Roth për “Frankfurter Allgemeine Zeitung”.
Të mërkurën, Komisioni i BE-së synon të rekomandojë hapjen e negociatave të pranimit me të dy vendet e Ballkanit.
Komisioneri Johannes Hahn u shpreh në prill se ai priste një vendim pozitiv nga autoritetet e Brukselit, pas zgjedhjeve evropiane.
Vendimi përfundimtar, megjithatë, qëndron në vendet anëtare të BE-së dhe mund të merret më 18 qershor në një takim të ministrave europianë në Luksemburg.
Në Gjermani, megjithatë, Bundestagu duhet të japë dritën jeshile dhe kjo është e mundur vetëm nëse grupi parlamentar CDU / CSU nuk e vonojnë atë.
Shtetet e BE-së tashmë kishin miratuar në parim hapjen e negociatave me Shqipërinë dhe Maqedoninë e Veriut qershorin e kaluar. Fillimi i bisedimeve, megjithatë, u bë i varur nga përparimi i mëtejshëm i reformave.
Komisioneri Hahn ka paralajmëruar më parë se shtyrja dhe mosnjohja e progresit objektiv nga vendet kandidate mund të ketë pasoja dramatike për vendet në fjalë dhe rajonin në tërësi.
VAZHDO TË LEXOSH MË TEPËR PËR TEMËN
‘BE, një komunitet imagjinar prej të cilit nuk fitojmë asgjë’
‘Kemi mosmarrëveshje me Thaçin për çështjen e kufijve’
‘Korrigjimi i kufijve janë maskime për ndarjen e Kosovës’
