Ministri i Jashtëm, Gent cakaj ka zhvilluar në Bruksel një takim me Përfaqësuesen e Lartë të Bashkimit Evropian Federica Mogherini.
Gjatë këtij takimi është diskutuar rreth avancimit të procesit të integrimit të vendit tonë pas rekomandimit të Komisionit Evropian për hapjen e bisedimeve për anëtarësim.
Përfaqësuesja e Lartë Mogherini përgëzoi ministrin Cakaj për përsëritjen e rekomandimit të qartë të Komisionit, duke theksuar se ky është një vlerësim i merituar dhe rezultat i reformave gjithëpërfshirëse të ndërmarra nga vendi ynë, duke veçuar arritjet e prekshme në reformën e drejtësisë dhe luftën kundër korrupsionit dhe krimit të organizuar.
Bashkëbiseduesit ndanë vlerësimin se Shqipëria është e gatshme dhe ka bërë të gjitha detyrat e kërkuara për të hapur negociatat me BE dhe është e nevojshme që Këshilli Evropian të reagojë pozitivisht, në linjë me rekomandimin e Komisionit.
VAZHDO TË LEXOSH MË TEPËR PËR TEMËN
‘NAFTA’/ Trump përjashton Kanadanë
