Ish-kryeministri maqedonas, Nikolla Gruevski do të jetë përsëri i lirë dhe nuk do të ekstradohet.
Lajmi është bërë i ditur nga mediat vendase, të cilët shkruajnë se seanca për ish-kryeministrin ishte e mbyllur për mediat.
“Kushtet për ekstradim nuk janë te vlefshme”, mësohet të ketë thënë gjykatësja.
Mëngjesin e sotëm gjykata dha urdhër për arrestimin e Gruevskit, i cili u përcoll deri në gjykatë me dy persona, të cilët, me siguri janë nga shërbimet e sigurisë të Hungarisë.
Ministria e Drejtësisë së Maqedonisë së Veriut kërkon ekstradimin e Gruevskit me qëllim që ai të vuajë dënimin me burg për lëndën “Tanku” të PSP-së, por edhe për organizimin e incidenteve në Kuvend më 27 prill 2017.
Maqedonia kërkoi ekstradim për vuajtje të dënimit me burg prej dy viteve për blerjen e Mercedesit në rastin e PSP-së me emrin “Tanku”, dhe për ngjarjet që ndodhën në Kuvend më 27 prill 2017, e që dyshohet se ka qenë një prej organizatorëve.
Gruevski siç shihet në fotografi është paraqitur me kapelë dhe me syze të cilat siç thoshte se kanë kushtuar vetëm 300 euro.
VAZHDO TË LEXOSH MË TEPËR PËR TEMËN
‘Hungaria duhet të shpjegoj vendimin për azilin e Gruevskit’
‘Gruevski është viktimë e persekutimit politik’
‘Presim që Hungaria ta kthej Gruevskin’
