Një 66-vjeçar në Kamëz ka rënë në prangat e policisë, pasi ka grisur fletën e votimit dhe ka tentuar të marrë vulën e komisionit në Qendrën e Votimit.
Policia sqaron se ka rënë në pranga shtetasi Astrit Çuçka, i cili akuzohet për veprën penale “dëmtim me dashje i materialit zgjedhor”.
Njoftimi i policisë:
Gris fletën e votimit, tenton të marrë vulat e komisionit dhe të thyejë kutinë e votimit, arrestohet në flagrancë nga Policia.
Arrestohet në flagrancë 66 – vjeçari, për veprën penale “Dëmtimi me dashje i materialit zgjedhor”. Specialistët për Hetimin e Krimeve në Komisariatin e Policisë nr.5 Kamzë, bënë arrestimin në flagrancë të shtetasit:
– Astrit Çuçka, 66 vjeç banues në Kamzë.
Arrestimi i tij u bë pasi ky shtetas rreth orës 12:00, është paraqitur pranë QV Nr. 1567 dhe pasi ka marrë fletën e votimit, e ka grisur atë dhe ka tentuar të marrë vulat e QV dhe të thyejë kutinë e votimit.
Ndërhyrja në kohë e Policisë bëri të mundur kapjen, shoqërimin dhe arrestimin e shtetasit të mësipërm. Materialet në ngarkim të shtetasit të sipërpërmëndur do t’i kalojnë Prokurorisë së Rrethit Gjyqësor Tiranë, për veprën penale “Dëmtimi me dashje i materialit zgjedhor”.
VAZHDO TË LEXOSH MË TEPËR PËR TEMËN
‘Qytetarëve të Kosovës t’u jepet liberalizimi i vizave’
‘Martesa’ Itali-Hungari/ ‘Kali i Trojës’ për Evropën
