Gjermania ka hedhur poshtë një kërkesë të SHBA për të dërguar trupa gjermane në Siri.
Zëdhënësi i qeverisë gjermane Steffen Seibert tha të hënën se Gjermania nuk do të rriste praninë e saj ushtarake në vend.
Të premten, SHBA-të kishin bërë thirrje që Gjermania të dërgonte trupa në Siri.
“Kur them se qeveria synon të vazhdojë me masat e saj në vazhdim në kuadrin e koalicionit anti-IS, atëherë kjo do të thotë se nuk ka trupa tokësore,” tha Seibert.
Ushtria gjermane aktualisht ofron avionë, dhe ndihma të tjera ushtarake jo-luftarake në luftën kundër IS.
Gjermania “për vite me radhë ka dhënë një kontribut të rëndësishëm dhe ndërkombëtarisht të pranuar” për të luftuar Shtetin Islamik, tha Seibert.
SHBA ka bërë thirrje për vendet evropiane, përfshirë Britaninë e Madhe, Francën dhe Gjermaninë, për më shumë mbështetje për luftën kundër Shtetit Islamik.
Përfaqësuesi i posaçëm i SHBA-së për Sirinë dhe koalicioni anti-islamik James Jeffrey i kishte thënë agjensisë gjermane të lajmeve dhe gazetës Die Welt se ai dëshironte “Gjermaninë të siguronte trupat tokësore, pjesërisht për të zëvendësuar ushtarët amerikanë”.
Ai tha të dielën se shpresonte që Bundeswehr të mbështeste forcat demokratike siriane (SDF) të udhëhequr nga kurdët, duke ofruar ndihmë teknike dhe ekspertizë të tjera për ta. SDF janë të vendosura në veri të vendit dhe tani përballen me presion në rritje nga Turqia.
Gjatë një vizite në Irak në qershor, Ministri i Jashtëm Heiko Maas tha se Gjermania do të jetë gati të zgjasë misionin përtej tetorit, kur do të skadojë. Por është parlamenti gjerman që do të duhet të miratojë çdo zgjatje të misionit përtej 31 tetorit.
Të Gjelbrit dhe Partia e Majtë gjithashtu kundërshtojnë çdo zgjatje të mandatit, duke përfshirë vendosjen e trupave tokësore në Siri.
Roderich Kiesewetter, një ligjvënës i CDU në komisionin parlamentar të punëve të jashtme, i bëri jehonë këndvështrimit të Kramp-Karrenbauer. Ai i tha DW se parlamenti do të kishte një debat të plotë dhe se nuk kishte “asnjë arsye për të refuzuar ose për të mirëpritur euforinë” për një mision të zgjeruar në Siri.
VAZHDO TË LEXOSH MË TEPËR PËR TEMËN
‘Janë përdorur armë kimike në Siri?’
“Rusia nuk mund ta zëvendësojë kurrë SHBA-në”
“ISIS është mundur, ka humbur edhe territorin e fundit”
