Italia tha të mërkurën se do të lejojë një anije italiane të rojeve të detit të largonte përfundimisht 116 migrantë që ishin bllokuar për ditë me radhë në një port sicilian, duke i dhënë fund ‘konfliktit’ të saj të fundit me Bashkimin Evropian mbi politikën e migracionit.
Zëvendëskryeministri Matteo Salvini tha se ai kishte arritur një marrëveshje me Gjermaninë, Francën, Portugalinë, Luksemburgun dhe Irlandën për të marrë azilkërkues që u shpëtuan në det javën e kaluar.
Anijes roje bregdetare Bruno Gregoretti iu dha leja, por jo të zbrisnin në portin sicilian të Augusta fundjavën e kaluar. Autoritetet siciliane hapën një hetim për mirëqenien e migrantëve që mbartte, dhe personeli mjekësor në anije zbuloi se 116 personat në bord duhej të ndanin një tualet të vetëm.
Ndërsa fëmijët dhe ata që konsiderohen të cenueshëm u lejuan të zbrisnin në fillim të kësaj jave, ministri i brendshëm i Italisë Matteo Salvini kishte refuzuar të lejonte të tjerët të dilnin nga anija, derisa vendet e tjera evropiane u ofruan ti merrnin me vete.
“Autoritetet italiane po shkelin ligjin ndërkombëtar të detit, i cili thotë se një shpëtim përfundon me zbarkimin e personave të shpëtuar në një port të sigurt”, tha Elisa de Pieri, studiuese në Amnesty International, për Euronews.
Në mediat sociale, Salvini kishte kundërshtuar kritikat, duke thënë se ” detyra ime është të kufizoj numrat e migrantëve që vijnë këtu”.
Një aleat i Partisë Lidhja të Salvini mbrojti qëndrimin e Italisë.
“Evropa duhet të vendosë: a do të presim të gjithë afrikanët që duan të vijnë, apo jo”, tha Gerolf Annemans, një eurodeputet belg.
“Ajo që sugjeron Salvini është që ata të rishpërndahen në vendet e tjera evropiane. Unë mund ta kuptoj dhe mbështes pikëpamjen e tij, se ata nuk mund të jenë të pritur nga Italia gjatë gjithë kohës, të gjithë.”
Zgjidhjet e anijeve po dëshmojnë se nuk janë të kënaqshme për të gjithë. Qeveritë e BE-së kanë kërkuar një mekanizëm zyrtar për shpërndarjen e migrantëve, por nuk ka patur sukses.
VAZHDO TË LEXOSH MË TEPËR PËR TEMËN
Italia më “e ashpër” se kurrë me migrantët
Kriza e migracionit po merr zgjidhje…
Populistët nuk na shpëtojnë nga korrupsioni…
