Emri i kryeministrit të ardhshëm italian është pengesa kryesore në bisedimet midis Lëvizjes Pesë Yje (M5S) dhe partisë Demokratike (PD), ndërsa ata përpiqen të formojnë një qeveri të re deri të martën dhe të shmangin zgjedhjet e parakohshme që mund të vinte Matteo Salvini në krye të një koalicioni të ekstremit të djathtë.
Kreu i PD, Nicola Zingaretti, ka kundërshtuar kërkesat e homologut të tij, Luigi Di Maio, për të rikthyer Giuseppe Conte si kryeministër. Conte dha dorëheqjen të martën, duke i dhënë fund aleancës fatkeqe 14-mujore midis Lëvizjes Pesë Yje dhe Lidhjes së ekstremit të djathtë.
Në samitin e G7 në Biarritz të Shtunën, Conte tha se ai nuk pret që të jetë përsëri kryeministër. Ai gjithashtu e bëri të qartë se nuk do të udhëheqë një qeveri të ringjallur të Lëvizjes Pesë Yjet dhe Lidhjes.
Italia u fut në kaos në fillim të këtij muaji kur Salvini, drejtuesi i Lidhjes, tërhoqi partinë e tij nga koalicioni për të detyruar zgjedhjet e parakohshme.
Fuqia për të shpërndarë parlamentin dhe për të thirrur zgjedhje i takon presidentit, Sergio Mattarella, i cili të enjten u dha partive kryesore të Italisë deri të martën për të formuar një qeveri të fortë alternative.
Zingaretti, i cili deri në mesin e javës së kaluar kundërshtoi një pakt midis PD dhe armikut të tij për një kohë të gjatë, ka parashtruar disa kushte të vështira.
Ekzistojnë dallime të mëdha midis dy partive por pengesa kryesore është zgjedhja e kryeministrit. PD do të mbështeste Roberto Fico, sipas mediave italiane.
Fico është anëtar i Lëvizjes Pesë Yjet dhe shpesh ka folur kundër nxitjes së Salvini-t për urrejtje antigjene. Zingaretti tha të Shtunën Italisë i duhej “një qeveri përparimi”.
Shanset e Lëvizjes Pesë Yjet dhe Lidhjes për të bërë paqe dhe përpjekjet për të qeverisur janë të pakta, por mundësia nuk mund të përjashtohet plotësisht.
Një sondazh i Winpoll i publikuar nga Il Sole 24 Ore të Dielën zbuloi se 41% e italianëve mbështesin zgjedhjet e reja. Nëse Mattarella i thërret zgjedhjet së shpejti, ato me siguri do të zhvillohen në tetor ose nëntor.
VAZHDO TË LEXOSH MË TEPËR PËR TEMËN
“Italia PO kundër Italia JO” Salvini zbardh planin
BE-Italisë: Mos u tregoni naivë me Kinën
