Në sistemin bankar kredia me probleme është ulur në nivel njëshifror, një ndryshim ky që vjen pas më shumë se një dekate.
Banka e Shqipërisë bën të ditur se, në muajit nëntor kredia me probleme zbriti në nivelin 9.5%, shifër kjo që nuk regjistrohej që në prej vitit 2009.
Krahas një sërë masash që janë marrë për uljen e kredive me probleme, këtë vit, ulja e raportit të kredive me probleme po nxitet nga rritja e ritmeve të kreditimit.
Sipas Bankës Qendrore, zgjerimi i portofolit të kredisë bën që e njëjta sasi e kredive me probleme të ketë një peshë specifike më të ulët, duke ndikuar në uljen e raportit të tyre kundrejt totalit.
Ndërkohë që efektin e parë në uljen e kredive me probleme e dha procesi i pastrimit të portofoleve nga kreditë e humbura, masë kjo e nxitur nga ndryshimet rregullative të Bankës së Shqipërisë, në vitin 2016.
Për të vijuar më tej nga përmirësimet në procesin e ekzekutimit të kolateralit dhe nga përdorimi eficent i ristrukturimit të kredive për huamarrësit në vështirësi të përkohshme.
VAZHDO TË LEXOSH MË TEPËR PËR TEMËN
Bankat kanë fshirë 51 mld lekë kredi
BSH-FMN takim për ecurinë e sistetimit bankat
