Marash Kumbulla është futbollisti më i përfolur ditët e fundit në futbollin italian, pas ndeshjes shumë të mirë që bëri ndaj Juventusit.
Në një intervistë për “L’Arena”, trajneri i Kombëtares, Edy Reja, ka folur për mbrojtësin shqiptar. Ai ka komentuar dhe formën e lojtarit të skuadrës së tij dhe i ka dhënë një këshillë për të ardhmen.
“Te Napoli u thashë që të merrnin menjëherë Kumbullën. Ai ka moshën e duhur, fizikun e fortë dhe është një djalosh shumë serioz, por për momentin nuk kaloi te napolitanët.
Dy vite më parë, ai duhet të përfundonte te Juventusi, por disa nga menaxherët e Veronës dhe disa nga familjarët e tij preferuan të rritej në Verona. Shqipëria? Itali nuk e thirri askush, kështu që unë e thirra dhe i dhashë mundësinë të debutonte me vendin e tij të origjinës” – u shpreh Reja.
VAZHDO TË LEXOSH MË TEPËR PËR TEMËN
Inter sfidon Napolin, “prenoton” Kumbullën
“Shqipëria e nuhati, i mori talentin Italisë”
Kumbulla vlen 20 mln euro, por ka pagën më të ulët
