Në Japoni rasti i parë me Covid-19 (Coronavirus) është identifikuar më 10 janar 2020.
Nga ajo datë deri më sot numri i të infektuarve këtu është mbi 800 raste, ndërsa janë të regjistruara afër 30 vdekje si pasojë e Covid-19.
Edhe pse numrat mund të duken të frikshëm këtu jeta e përditshme dhe rutina pothuajse nuk ka ndryshuar fare. Deri më sot në asnjë dyqan nuk janë vërejtur mungesa të asnjë lloji të produkteve ushqimore. Qeveria ka ndaluar rishitjen e maskave të fytyrës dhe pastruesit e duarve me bazë alkoolike për përfitime nga biznese ose individë, kështu duke e bërë krim të dënueshëm me burgim deri në një viti ose gjobë prej 1 milion yen (8,600 euro), ose të dyja bashkë.
Gjithashtu qeveria ka forcuar regjimin e vizave dhe e ka bërë të detyrueshme karantinën 14 ditore për qytetarë që vijnë nga disa rajone të Kinës, Koresë, Iranit dhe Italisë. Kompanitë private dhe institucionet publike janë inkurajuar të punojnë nga shtëpia, gjithsesi bazuar në kulturën dhe etikën e punës këtu kjo mundësi nuk shfrytëzohet nga shumica e qytetarëve.
Pra, në qytet kafenetë, restauronte dhe pjesa më e madhe e dyqaneve janë të hapura dhe funksionojnë normalisht.
Një gjë ka ndryshuar me siguri, numri tejet i vogël i turistëve të huaj në Japoni, në veçanti atyre nga Kina dhe Koreja ka filluar të vërehet dukshëm dhe ekonomia vetëm sa po i ndjen pasojat.
VAZHDO TË LEXOSH MË TEPËR PËR TEMËN
Koronavirus “nuk tregon mëshirë” për tregjet globale
Koronavirusi shkakton vdekjen e parë jashtë Kinës
CNBC/ Bursat europiane “humbasin kontrollin”
